QuIn66's "殊!聽歌室…"

話說呢排肚仔痛就無得飲奶茶/咖啡..

與友人閒談之間的對話….

我: 澳門茶餐廳 凍檸茶NOW

友人: 凍檸茶NOW 有幾special?

我: 好飲過美x 果d囉.

友人: 我以為有個 now 字係有 special tim

我真係笑左出來….好在唔係飲緊野lorrrrrrrrr~~~XDD

每個人的諗法都不一，我唔識去安慰人，我諗我最多只識TUM返佢開心。

個圈開始散，真係…好地地點解會咁呢？

好朋友幾個就夠，太多就會辛苦。顧得呢個顧唔到第二個，所以我好珍惜我身邊的好朋友…慶幸的是我身邊都有不少好朋友，由其是係中學果班啦，無左佢地我都唔知點算啊…

雙魚座

你最好係： 雙魚座其實是一個「很女人」的星座！給人的感覺是感性！好有同情心！你的大無畏、捨己為人的精神，實在令人敬佩！你外表優雅高貴，溫文有禮，跟你一起，令人有種很舒服的感覺！直覺強烈，能預測未來發生的事情！記得好好運用！充滿藝術細胞的你，對任何有關的活動非常有天份，所以在這方面發展會發圍機會極高！能與你拍拖是一生人中應該做的一回事，因為跟你一起走過的日子，必定受甚麼是生活趣味，甚麼是被愛的幸福，當然還會徹徹底底地知道浪漫是甚麼的一回事。

 你最唔好係：

太過不切實際！你太過感情用事，又缺乏安全感，永遠只懂活在自己的世界中！尤其是理財這方面，更加是你的弱項。唯美主義的你，永遠都是理想先行頭，要靚不要錢，很易被人利用你對藝術的熱誠。悲觀加上憂鬱的你，美其名是頹廢，實情是懶惰！欠缺信心加上怕麻煩的你，發生了事之後最好拖得就拖，瞞得就瞞，最好還有賴得就賴。甜心吃了你浪漫的甜頭，其實都有很多功夫要做：閒時要鼓勵你，讚讚你，分擔你的杞人憂天，頭一次甜心以為好重要，常常如是，真真令人有點吃不消！

又真係都幾準…

USB4GB HKD80…真係平，本身話要一支，但見個個同事都問朋友要唔要，即管出個POST問下朋友，由開始一支之後變兩支，再變七支，再改到十四支，最後變為十八支….改到我都唔好意思。哈哈!~下午收埋貨~GOOD~

另外之前幫SEAGATE做個INTERVIEW,今日收到GIFTCARD~係VISA來，好得意，唔知香港用唔用得美金呢? 不枉我用左成個鐘同佢傾計…

touchwood講句, 一直都無試過胃痛, 原來真係好痛苦,

今朝一起身已經唔太妥, 咁照返工啦, 之後真係好唔掂, 好在同事有胃藥, 咬2粒…好難食…難食到噴出黎…T_T 好無用…但都要咬埋落去… 之後過左一陣, 真係好返好多…

THANKS GRACE!

其實都唔算係玩具…哈哈

22″ lcd 一隻~但買完返黎張檯真係唔夠位(其實買之前都有諗過唔夠位，博一博0架0者~)不過博唔到..哈哈

而家好近…睇野有點辛苦，仲未去買過張電腦檯…

950萬的…手錶

話說妹妹近幾日返某大型拍賣會part-time，今次最貴的手錶係一隻價值950萬的Patek Philippe，據說是1971年生產，到現今都係零瑕疪，未抹過油(呢樣好犀利)，100% work啦當然…但你望個款其實唔係好覺佢舊款，甚至有點不起眼，一粒鑽石都無~哈哈…

俾張相大家睇下啦~ 唔知到最後auction到幾$呢~~

到底幾時先可以戒甩買無聊野？用無聊錢？扭旦…玩具…

其實而家已經少左好多好多，起碼我今個星期去到ＳＳＰ都無行玩具街丫～～好的開始！

哈哈哈…儲錢儲錢儲錢，旅行旅行旅行…

0岩0岩先去完台灣，但我而家已經好想再去旅行了…

加油！

由於姨媽@加拿大買左手信返黎…(其實次次都會買…)今次輪到我拎…因為佢地唔得閒…但唔得閒…原來2個約左0係T2食dinner…仲要上左regal club floor 食野!~~:<

等我自己一個去做”姑哩”….先坐地鐵去中環再轉東涌線去荔景再落返去美孚找姨媽拎手信…嘩..好重…咁當然想搵架有位坐的巴士返屋企啦，59x無哂位…因為尾站，59a有位wor..拿拿淋即上…因為真係好重…點知出事…醒唔起佢會兜路….葵芳~葵興~大窩口~荃灣~先上屯門公路…6:45上車..8:00先返到屋企…我出去食個麵先返黎無拱嬲lor~~不過算la…

今次手信有…

上次佢地食過番尋味0既牛扒~~

新鮮三文魚~~

同埋健康bar~~~(原來好好味@o@) 香港要賣7蚊一條….哈哈

我返到屋企…放低d野仲要落去買飯合食 :< 好可憐啊!!!!

之後唯有食返雪糕開心一下…baileys都係甜左d~~

另外四川大地震，身為中國的一份子點都要出一分力，少少力都好丫~

搵個紅十字會箱捐錢錢先~

由於屋企果塊mousepad爛鬼左，所以決定買過塊。

朋友話呢個好用…唔會爛喎！～～睇下點～哈哈！

件野都幾貴下！～