QuIn66's "殊!聽歌室…"

070909~

因為晚上八點機所以請左半小時假坐機鐵入去，早知唔請，因為入到去只係6點20分，我仲已經係拎埋boarding pass…………..

一早知道係71號gate, 但醒唔起原來33號後就可以坐無人架駛，結果行左五個字，蝕左。

上到機先見到遲起飛…delay左差唔多一小時先飛，12點9 land 左，都算ok，本身諗住坐shuttle bus去hotel ，但都係算…飛的去酒店，去到只係1點15分。尚算順利。

好在upgrade左去executive floor, 如果唔係真係同大陸二星無分別:p

梳洗左之後訓….哈哈哈!

071009

由於joe姐仲係要做野0既關係，所以我要等埋佢先起程，等等下唔對路，好餓，唯有問下佢幾時返。佢話on the way~~ good… 返到黎仲有老曾記咖哩角食!!好鬼好味!!

之後同埋另外2個agent出去chinatown食野，0係鋪頭食野真係貴，我諗平時0係香港食果餐200蚊都唔駛，但係我地果日食左80蚊坡紙~即係成400蚊，鬼咩，SERVICE CHARGE 10%,GST 7%…痴鬼左~~~~

之後就同joe姐去派埋剩返0既傳單~~哈哈!

派完我地就返酒店hea陣出發去好出名0既orchard road…其實個目的係幫andy 買boardshorts….行左好耐,終於行到，點知…….we have moved!!!!

啊..晴天行雷…間鋪0係tst ,條路就係好似你由太子行去tst, 先發現人地搬左去旺角!!!咁唯有行返去喇……………累到hihi!!

點知又唔齊貨….(之前andy check又話齊..???) 不過仲好, 拎少一程…因為叫左佢第二日送過來…呵呵!~~~

咁樣搞搞下都9點幾10點，打的返酒店hea陣出發去lau pa sat 食dinner!!

真係超級抵食&好味!!! 我地2條友仔叫左細的螄蛤，菜，20串串燒，4串蝦蝦，魔鬼魚…

食完本身想行返酒店，但周圍都整路，所以都係打的…

071109

今朝我自己起身去食亞坤先…半生熟旦同多士真係好正。買埋外賣返去俾joe姐，唔知係張房key壞左定係dnd所以唔俾開門….電話又打唔到果下先死, 搞左好耐終於send到個sms俾joe姐…..

出發去china town買手信…哈哈..~再去食試肉骨茶,原來潮洲味的肉骨茶好似胡椒豬肚湯咁..好正0架~~~~

食完又返酒店hea陣，之後出發去魚尾獅公園，行左好耐先去到…

好多freewalker….哈哈哈!!!!!!!!!!!!!!!!!!!!

之後坐的士去jumbo seafood centre…好貴…好似呃遊客食咁，但真係好多人食….星加坡d野食好得意，熱唔夠熱、凍唔夠凍

行完太累,返去computer mall度hea下，食完杯雪糕之後想返酒店之際落勁大雨，距離只有三幾步的路程，我地兩個各自都有遮但都濕哂…哈哈哈!!

之後約埋joe姐同事再去lau pa sat再戰螄蛤同串燒…哈哈哈!!!!!!!!!!!!!!!!!!!!!!!!!!

之後落去clarke quay the clinic bar飲野，一支細hoe+我果包藥包埋單要68.5sgd…不過梗要豪一次0既~

今晚真係可以行返酒店喇…哈哈哈!!!!!!!!!!!!!!!!

071209

朝早翻兜肉骨茶加亞坤，因為joe姐想試豬潤肉骨茶同埋亞坤隻半生熟旦…哈哈哈!!

其實周圍都係連鎖店…好搞笑..去到邊都見到差唔多的鋪頭…

hea下hea下就差唔多出機場lu~,

去到機場梗係要買班蘭cake喇…好好味 :p

總括黎講，星國除左食之外…都仲係食。

無咩玩…哈哈….

Posted 《玩》, 《食》 |